Associazione Culturale Ballincontrà

Se uno vive ben anca ne i giorni pí neri,
e invesse ti te rabi parfin co i to pensieri,
senza contare tuti quei sgranfi de pansa,
te lo vardi disendo: beata ignoransa!

Se uno parla anca de quelo che non sà,
vecio o tosato te pensi: stochí el me fà!
E col continua, sforsando tuta la to creansa,
te lo vardi, senpre disendo: beata ignoransa!

Messà che ghi né sta tanti ne la storia,
digo: de pori disgrasià e de pieni de boria;
in stí casi va un fià canbià quel detto,
par poder dire in un modo pí parfetto:

L'ignoransa xè so mare de la miseria,
ma, tenti, che la poe tirar fora la cativeria.