Associazione Culturale Ballincontrà

Na poesia leta ani prima,
scrita tuta bela in rima,
come vole la tradision,
in fondo 'a finisce con sta orasiòn:

El dì che te vivi xe sempre el pì belo
el ieri el xe morto, mistero el doman.
la vita però ga de questo e de quelo:
dai nostri ricordi, vardemo lontan.

Sarà che a mi la me piase;
ma la xe propio bela sta frase!
senpre penso e ripenso
che la dovaria avere sto senso:

«Nea vita se ciapa quel che vien,
l'inportante xe volerse tuti ben,
e par questo, credìme, basta un pocheto:
darse senpre na man e un fià de rispeto».