133 - La befana
Dopo dodaxe di dal Santo Natale,
poco prima che riva el Carnevale,
col so vestito de strasse e de lana
riva sora na scoa la vecia Befana.
I regali i xe solo par i tusiti boni,
par i altri, invesse, tanti carboni,
cussí i gavarà tenpo tuto on ano,
par pentirse e non far altro dano.
Co le scarpe rotte e sensa tacco,
so la goba la porta on gran sacco,
l'è tuto pien de ogni sorta de bontà,
par inpienare calse sol camin picà.
Eh si, i gera propio beli i me "stiani"
spetavino sto giorno coi nostri afani,
par contentarse de poco o gnente,
tanto tuto gera senplice e inocente.
Se te piaxe rivivare chel tenpo indrio,
in modo spensierato e pien de brio,
ghe pensemo nantri de Ballincontrà,
co le scoe e le vecie dal viso stanpà.
Romolo Balasso - Ballincontrà
5 gennaio 2020 - Molveno e Fiera di Primiero
6 gennaio 2020 - Asiago e Sasso
132 - Natale a Cornedo Vicentino
Natale xè soto l’albaro, parfin mi a lo vedo,
motivo in più par far festa quà a Cornedo,
l’organixasiòn la sà far ben le so spese,
ma xa el nome te dixe tuto de sto Paese.
El stema del Comune el gà tre albareli,
missi bei driti in sima a tre montexeli,
par ciapar dentro Cereda e Muzzolon,
i puntini russi, invesse, l’è on fruto bon.
Le xè le còrnole, a lo gavarè xa capìo,
ma lo digo par quei in fondo la da drìo,
i fiuri jali de febraro te mostra i cornolari,
legno beo duro par pipe e le rue dei cari.
Va bèn, de storia a ghi nè tanta anca quà,
ma desso vardène nantri de Ballincontrà,
co le tradission, veci mestieri, bali e canti,
ne piaxe massa farve contenti tuti quanti!
Romolo Balasso - Ballincontrà
Cornedo Vicentino 14.12.2019
131 - Natale a Molveno (TN)
È Natale nella lacustre Molveno,
ogni istante di vita si fa sereno,
l’inverno si profuma d’emozione,
che del cuore è magica pozione.
Quel suo lago seducente ti tenta,
come le cime, dalla Tosa al Brenta,
per non parlare delle bontà culinarie,
del centro storico, delle salubri sue arie.
Rapisce la maestria dell’accoglienza,
un fiore all’occhiello di vera eccellenza,
ti fa respirare dai colori ai sapori genuini,
tra i suoi palazzi, chiese e storici fortini.
Bello fantasticare in questa placida realtà,
anche con i balli e mestieri di Ballincontrà,
tradizioni che rivivono per volersi più ben,
e per dire grazie alla sorridente Molvèn.
Romolo Balasso - Ballincontrà
Molveno (TN) 28 dicembre 2019
130 - Natale a Marostica
Marostica è famosa in tutto il mondo,
con le vestigia d’un tempo fecondo,
castelli, mura, la piazza con scacchiera,
la bella Lionora e la partita che si fa vera.
Ma non si respira solo aria medievale,
c’è spirito d’impresa e gente gioviale,
anche questo fa parte della tradizione,
frutto di buon lavoro e tanta dedizione.
È la magia del periodo con le luci colorate,
e le vetrine dei negozi tutte belle addobbate,
che creano quell’atmosfera così ancestrale,
giusta giusta per respirare il Santo Natale.
L’aria è frizzante, forse anche un pò pungente,
ma lo stare insieme, qui, rende tutto divertente,
e così poter assaporare tutto ciò che accadrà
con vecchi balli e mestieri del gruppo Ballincontrà.
Romolo Balasso - Ballincontrà
Marostica 15 dicembre 2019
128 - Aspettando Natale ad Arzignano
Da l’oto de dicembre l’aria la se fa gustosa,
la te dise che xe drio rivare na festa famosa,
el santo Natale, alora tuti deventemo pì boni,
cussì la befana no la poe portarne carboni.
In sta tera de Arzignan, co tuti i so nove capitei,
e la so storia che la te conta parfin de du castei,
a ghin saria robe da dire e anca da ricordare,
dai conti e dai vescovi che i sitava a barufare.
Ancò, par fortuna, se preferisse l’armonia,
a passare giornate tuti insieme in alegria,
e grassie a tute le persone che se inpegna,
se poe esare qua, no ghè santi che tegna.
Eco, anca el nostro grupo de Ballincontrà,
semo propio contenti de poder esare qua,
sta piassa e bea gente le te mete de bona lena,
e come nea ciesa nova la deventa sosta serena.
Romolo Balasso - Ballincontrà
Arzignano 8 dicembre 2019
124 - Monte di Malo (castagne)
Ballincontrà, ancò xe quà a Monte de Malo,
e a modo nostro volèmo farghe on regalo:
lo femo nominando le sinque cièse una a una,
cussì, magari, a no ghe femo torto a nesuna.
La parochiale, fata insima a sto cucussolo rocioso,
la ga altari e mosaici, par on S. Giusepe grandiso.
Sol crocevia pi in là, l’oratorio de na vecia pieve,
el ricorda i pìe soa rocia dea Madona dea neve.
Col so panorama, eco la cieseta de S. Giorgio cavaliere,
coraio tanto, par via del drago co ogni sorta de dispiasere.
Insima là a San Vitore, de storie a ghin saria propio tante,
testimone xè la ciesa de l’Assunta e la gente adorante.
L’ultima, quela pì stramba, otagonale, dedicà a S. Lucia,
la gà vudo ospite anca on papa, e alora amen e così sia.
Romolo Balasso - Ballincontrà
Monte di Malo 27 ottobre 2019
108 - Castagne
Grassie a le sagre come questa,
a te passi na domenga de festa,
par vivare le nostrane tradission,
e provare tante bele emossion.
Stiani, con cuea vita grama e tacagna,
de otuno ocoreva tor su ‘a castagna,
secà, lessa o rostìa, pì a chili chea eti,
la vegnea ciamà la farina de i poareti.
I siòri, invesse, spaelava solo maròni,
i fasea on figuron nele tole dei paròni,
tondi e grossi, par le dòne malissiosi,
e sentirle dire: glassè i xe delissiosi.
Le castagne, se sà, le gà tante virtù,
par questo ringrasiemo el bon Gesù,
ancor meio se le te scalda là in tel leto:
deghe dentro par non essare in difeto!
Romolo Balasso - Ballincontrà
Festa delle Castagne - Monte di Malo
123 - Marroni di San Mauro Saline (Vr)
L’altro dì me son fermà ciacolare co me zia Erminia,
e la me dixe: va là in mexo a l’altopian dea Lissinia.
Alora, ciapa e vien su, passa Illasi e Tregnago,
co so rivà me son dito: via dae quà mi no vago!
A son restà incantà da na meraveia: la ciesa de San Moro,
sol so monte, pì che eremo l’è on vero e propio capolavoro!
Na pieve s’on mare verde, na oasi de pace e de preghiera,
nel so silensio la te porta dentro al core na emossion vera.
Ma, in sto bel posto, che se ciama San Mauro di Saline,
d’otunno te truvi n’altro tesoro che l’inpiena le musine,
de l’inteleto, s’intende, a ve lo digo sc-eto e par de bon,
l’è chel frutto unico e iripetibile: sua maestà el maròn.
Grassie Pro Loco, Comune e amanti dee tradission,
fè de ogni festa, sagra o fiera na belissima ocasion,
le tien vive l’anima dea nostra tera, come che se dise,
e anca nantri de Ballincontrà portèmo vanti ste raise.
Romolo Balasso - Ballincontrà
Sagra dei Marroni di San Mauro di Saline (VR)
26 ottobre 2019
116 - San Martin a Velo d'Astico
Ormai i lo sà tuti che San Martìn
l’è on cao de l’ano del contadìn:
la natura straca la se indormessa,
e gnente vien pì fato con pressa.
Se dixe anca che la xè na istà,
par via del mantelo tajà a metà,
e, ste tenti, desso vien el pì belo,
xe tenpo de spinar el vin novelo.
Par on verso o par l’altro l’è on di de festa,
tanto par quei che va che par quei che resta,
na tassa de brulè coe castagne o coi maroni,
e anca el pì ramengo vien el pì bon dei boni.
Par dirla tuta, se dovaria sajare el minestron,
coe patate, fasui e altro, mama mia che bon!
La tradission dixe che la pansa sarà contenta,
se te finissi col cuissin co i crauti e la polenta.
Romolo Balasso - Ballincontrà
Velo d’Astico - sagra de San Martin
111 - Fiera del gusto a Soave (Vr)
Che belo vedare qua tante persone e fameie,
a farghe festa a on teritorio co le so meraveie!
Par dirla meio e pì giusta, te poi gustartelo,
in tuto e par tuto: verdarlo e ... magnartelo.
Bevendoghe drìo senpre de i goti de bon vin,
xè o stesso se in pìe o sentà torno on tavolin,
ogni sorta de bontà te la senti soto al naso,
e pò, no digo pì gnente ma gnanca no taso.
Va dito che el proverbio de la tradission,
co ste ventioto proloco el ga propio rason:
ma ve penseo, on consorsio e na gran forsa,
par farne trovare tanta polpa e poca scorsa!
El nostro caro Veneto l’è belo tuto quanto,
tanti paesi e ciese, ogni una col so santo,
grassie a l’inpegno de tute ste Pro Loco,
va dito che deventa grando parfin el poco.
Romolo Balasso - Ballincontrà
3^ fiera del gusto - Consorzio Pro Loco Verona Est
20 Ottobre 2019
109 - Festa della natura a Spagnago di Cornedo
Le stajon no le xè pi quele,
ma le resta senpre bele,
basta farghe caso a la natura,
ancò in festa la fa la so figura.
Belo l’inverno, la primavera e l’istà,
belo l’autuno co le foie tute colorà,
l’acua, la tera, le piante e i fiuri,
on creato par tuti, poareti e siuri.
Ghe xe dele volte che a gheo domando:
Signore, ma come gheto fato e quando?
La ga da essare stà na gran fadiga,
a non go parole, assa ca teo diga.
E cossa falo el genere umano to eleto?
Rovina tuto, gnanca farlo par dispeto!
Ma ti, Signore Dio nostro Onipotente,
varda xò e fa che no sparissa gnente!
Romolo Balasso - Ballincontrà
Festa della Natura - Spagnago di Cornedo Vicentino
107 - Tonezza
L’autuno pena rivà l’è in gran festa quà su a Tonesa,
na comunità de cinquesento anime, co la so ciesa,
on organo vecio assà che sona pal santo ausiliatore,
cussì la tanta storia e le tradission le te resta nel core.
Par rivare in sto posto, desso, te truvi la diretissima,
undaxe galerie, l’ultima pi che curta la xe curtissima,
ma le te porta in paradiso dove tuto te diventa pì ciaro,
non par gnente lo gà scrito anca el grande Fogassaro.
Na vecia legenda la dixe che all’inissio ghe gera sete contrà,
Boscato, Campana, Canale, Dalla Via, Dellai, Sella e Petinà,
ghe xe sta na fondaria de argento e la famosa Selva Magna,
come la colonia alpina e tuta quela civiltà rurale de montagna.
Par fortuna che l’inteligenza la gà ciapà quel che gera de belo,
la xè ‘nda su dai Groti e la ga fato on museo sol vecio casèlo,
ghin sarìa da contare, ma come la primavera la sta ai crochi,
le patate de.co. de Tonesa le finisse so on bel piato de gnochi.
Romolo Balasso - Ballincontrà
Tonezza del Cimone, Festa d’autunno, 29 settembre 2019
101 - Gambellara (recioto)
Grassie tante, anca par stàno ne gavì ciamà,
co i veci balli e mestieri, a semo Ballincontrà,
portemo in giro el mondo contadin de stiani,
quelo pien de valori, che dela vita i xe i grani.
A Ganbelara ghe xe anca quei de ua, tuti de oro,
guai in ostaria domandarghe on giosso de moro,
i te dixe: vara che par essere un cristian devoto,
a te ghe da bevare solo che vin santo e recioto.
Anca sta tera de confine la xe piena de storia,
spartìa tra Vicensa e Verona, par la so gloria,
a gh’in sarìa da contare, da l’8 aprile del mileotosento48
la battaglia de Sorio, co l’obelisco che ghe fa da cerotto.
Ben va là, da par tuto ghe xè calcossa da ricordare,
come sta ua, la garganega, par on vin da meditare,
ma no da soli, ghe voe senpre na bea compagnia,
par passare tuti insieme qualche bea ora in alegria.
Romolo Balasso - Ballincontrà
Gambellara - Festa dell’uva e del Recioto - 22 settembre 2019
100 - Soave (Festa dell'uva)
Ballincontrà xè quà co serti veci mestieri,
senari, attressi, quei de na volta, tuti veri,
de chel mondo contadin da la vita dura,
e co i bali, parchè la tradission xe cultura.
A Soave bisogna cavarghe tanto de capelo,
con la so storia, el so vin, soto el so castelo;
qua tuto te parla de ela e de la so grandessa,
na meraveja che la te resta par ben impressa.
Streta da on paro de chilometri de vece mura,
24 torri, cièse e palassi de bona architettura,
fora na terra che assa cressere on bon tesoro,
la garganega, ua regina, fruto de tanto laoro.
Da ste parte, parò, te magni e te bevi de gusto:
lesso co ‘a pearà, la potona col recioto giusto,
xontaghe la conpagnia de tuta sta bea jente,
te passi na jornata spensierata e divertente.
Romolo Balasso - Ballincontrà
Soave - festa dell’uva, 14 e 15 settembre 2019
99 - Fara Vic. (S. Bortolo)
Vardè che quà a Fara non se schersa,
ogni sorta de malinconia dèla par persa;
vardève un po intorno che gran bea festa,
le xe robe da perdaghe drio anca ‘a testa.
Grassie tante, ma el patrono da ste parte,
come che te truvi scrito su tute le carte,
l’è uno dei dodaxe, uno de l’ultima sena,
anca se ‘a so vita la se conosse apena.
L’apostolo San Bortolo o Bartolomeo,
qua i xe du in uno, caro el me Romeo,
ma la so ecclesia de storia la ghi nà tanta,
a tea truvi scrita xa nel mille sento ottanta.
Ma ve penseo, el so emblema l’è el cortelo,
sarà par via che non se trova pi el castelo,
magari el sarà soto on vegnale de vixele,
le me par carghe de ua, dolse fa la miele.
On bel posto, Fara, assame ca te varda:
cossa disìo, la gà on che de longobarda!
bianco e nero, oltre al vin, te ghe el ciòon,
e tanta bona jente, a veo digo par de bòn.
Basta parole, le ‘ndarà anca dentro e fora par na recia,
ma desso xe meio ca se magnemo el polastro in tecia.
Senò ga rason Pittarini:
i prete i xe prete
i siuri i xe siuri
e nantri, Bastiàn,
semo mone pì grandi fa el Sumàn.
Romolo Balasso - Ballincontrà
Fara Vicentino 24 agosto 2019
98 - Mestieri soto el portego (Recoaro)
Altri tenpi! N’altro vivare! Tuta n’altra storia!
in tanti a la gavèmo ‘ancora ne ’a memoria!
semo fioli de i canpi, na stala e na barchessa,
col portego, na contrà coa ciesa par la messa!
No se vedèa nessun co le man in man,
na volta ocoreva suarse el toco de pan,
schei no ghin gera, bisognava rangiarse,
la miseria la insegnava a incontentarse!
Varda l’ombrelaro! el caregheta, el scarpareto!
Senpre su de bonora, guai a ciàparse in leto!
Vanti laorare! anca in malga ocoreva strussiare:
la late, el butiero, la puina e el formaio da fare!
Co tacava a far scuro orbo, e s’inpissava el canfin,
se fasea filò bevendoghe drio on bel cuarto de vin!
Dopo tuti sti mestieri poareti, dal marangòn al moleta,
xe mejo magnarse on bel piato de gnochi co la fioreta!
Romolo Balasso - Ballincontrà
Recoaro Terme, 7 luglio 2019 Mestieri soto el portego
97 - Recoaro Terme
La xè senpre bèla, ma d’istà, co fa caldo,
la te assa incantà sta conca de smeraldo,
na natura piena de acque co le so montagne,
basta vegnerghe e te va via anca ‘e magagne.
Co ‘e so fonti, el star ben, da ste parte, ga fato storia,
a Recoaro te truvi aria bona e parfin la cimbra gloria,
tenti, parò, parchè i xe là che i te varda l’omo e la dona,
tra el passo dea Lora e Campogrosso co ‘a so madona.
Da Recoaro Mille, ciapando el sentiero dei grandi fagari,
te ve a la Gazza e dopo vanti ‘ncora, se no te ghe orari,
fin al coston dea Sisilla, vardando le creste del Fumante,
e l’Obante e i vaji: la frana del Rotolon no la xe distante.
Fonte Lelia, Parlati, Camonda, Xon e cossa ‘ancora,
Pianalto, Merendeore, su a Montefalcone, Fonte Lora.
Da perdarse via on bel tòco, tuti i cantoni i xe gran bei,
e se te ghe voia, a te poi farte el giro dei 128 capitei.
Romolo Balasso - Ballincontrà
Recoaro Terme 7 luglio 2019 - Mestieri soto el portego
95 - Festa della spiga a Pojana maggiore
Scoltame, assa chel mondo diga,
ma la xè bela sta festa dea spiga,
quà, a te te godi senxa far fadiga,
ma no xe stachì ‘a rima che intriga!
On parco e na villa, chi tuto te tenta,
anca na renga co do fete de po’enta,
a no ve digo el stranbo de chel prete,
e de serte done, contesse e poarete!
Sol canpo, fin ca semo drio sexolare el fromento,
a me vien on mestiero … vorìa dire on tormento,
el me passa via solo co riva la trebia nela corte,
e co vedo tuta la iente corare fora da le so porte.
I siùri ciò, i voe ‘a farina par magnare el pàn,
coi schèi che i gà, no ghe fà paura el domàn,
ma gnanca a nantri, fin ca gavemo ‘a salute,
e … 4 palanche in scarsela, par dirsele tute!
Romolo Balasso - Ballincontrà
2 giugno 2019 Festa della Spiga a Pojana Maggiore
80 - Rose de carta de Vigardolo
Ripèteme va là, parlavito dea sarta?
Cossa? Vigardolo? Le rose de carta!
Ah puito ciò, ma dime, de che profumo sale?
De fadiga e de amore! Brava, no ghe xe male!
Ma ve penseo, na festa colorà piena de rose,
par cuel ca vedo, anche de spose e bee tose!
Va dito e ridito che chi xe de sicuro on bel stare,
da quanti strafanti, non se finisse pi de vardare.
Come tute le robe fate ben e con tanta passion
anca sta festa la va rento drita ne le tradission;
Ballincontrà xe quà coi so bali e i veci mestieri,
par darghe memoria a on tenpo chel par ieri.
Invesse ocore far propio on bel salto indrìo,
cuando chea gente la gera timorata de Dio,
se dixe stiani, tanto cari e diversi, ma desso,
a ve mostremo che i se godea tanto ‘o stesso.
Romolo Balasso - Ballincontrà
Vigardolo 1 aprile 2019
79 - Sagra dea Pisa a Malo
Bisogna ca lo dixemo ben, co la so grassia:
brai tuti, quà parfin la storia la ve ringrassia,
parchè sta festa la se fa a na data precisa,
quando nel disnove se saltà la vila dea Pisa.
Na sagra che ogni ano la ne fà on regalo:
star insieme de gusto co i amissi de Malo.
Mi, par dirla sc-eta, a son chi ca me fasso belo,
a tirar la rima in casa del grande Meneghelo.
A Balincontrà lo tegnemo senpre in considerassion,
parchè anca nantri porten vanti le nostre tradission;
lo savemo ben che non xe fasile, che la xe n’aventura,
parchè sa che tenpo la miseria la gavea la facia scura.
Ma semo gente contadina, dae quà, nostrana,
che ve ricorderà del salbanelo e de l’anguana,
tiraremo fora de tuto da la storia, anca i difeti,
ma a modo nostro, fasendo diversi baleti.
Romolo Balasso - Ballincontrà
Sagra dea Pisa a Malo 31 marzo 2019
48 - Maron d'oro (Valrovina)
Ma sì a ve lo digo: a me son alsà bonora stamatina;
savendo de vegner co Balincontrà, quà a Valrovina,
a dovevo capire cossa che la podea essare la Pissota,
a me gero fata l’idea che la fusse na torta co la carota.
Invesse no. El xè on zugo de na volta, e vecio assà!
Con ch’el nome lì, son sincero, a no ghe sarià mai rivà.
La xè come na tonbola co sessanta e passa figure,
vuto vedare, me son dito, ghe sarà anca le verdure!
Ma de sta festa, el paròn,
l’è ch’el fruto là de staiòn,
che teo magni so’n boccòn:
parlo de so maestà el maron.
Parchè da ste parte se premia el maron d’oro,
anca se nol xè on re, e nessun deventa sioro;
l’è on modo par stare insieme in conpagnia,
e passare na domenga serena in alegria.
Romolo Balasso - Ballincontrà
valrovina 21 ottobre 2018
43 - Montepian
Fasea caldo
cussì a go ciapà su le me strasse
e son da su par la val de l’Astego, fin Lastebasse.
Gnanca farlo aposta
passando par Ponteposta
a me son dito, fra mi e mi,
speta ca me ferma chì.
Me vardo torno un fià curioso
par vardare sto posto piaxoso:
da na parte ghe xè Pedemonte
dall’altra quatro case sconte.
Me fa uno: ciò ti, no sta mia fare el vilàn!
Su par de là che ghe xè festa a Montepiàn,
te te tachi drìo al carèto co picà via na rama,
e va da la Fanny, quela del Capriolo che gà i lama.
Romolo Balasso - Ballincontrà
Montepiano di Pedemonte 2018
38 - Avanoti de S. Fermo (Bolzano Vic.)
Mama mia che bea festa de i do santi,
Fermo e Rustico, ma ghi nè par tanti?
Che domande! co se mete quei de la Pro Loco,
tuto se fa grande, qua non ghe xe posto pal poco!
In sta tera de risorgive, xè moio ogni cantòn,
e mi, ve ‘o digo, a son dà un fià in confusion:
vara, i me gà dito, saia i avanoti cusinà ne la farsora,
dopo quei in saor e ... vanti senpre dopo ancora.
A te lo disèmo, i me fà stì quà, solo par el to bèn!
Grassie, a ghe go dito, ma … e se me vien sèn?
Alora bevi du-tri goti de Tergola de Bolxàn Vicentìn!
Grassie, ma … fème capire, xela acqua o xelo vin?
L’è belo tuto el nostro teritorio, co le so tradission,
a rivivarle le te inpiena el core de tanta emossion!
Bravi tuti quanti a quei che se ga dà stò gran da fare,
la sarà anca vecia sta sagra, ma l’è propio un bel stare!
Romolo Balasso - Ballincontrà
Bolzano Vicentino 2018
35 - Altopiano (Asiago)
L’altopiano di Asiago è luogo di grande storia,
tempi remoti e guerra, qui, s’intrecciano nella memoria;
per ascoltar racconti e leggende occorre una partenza:
dai cimbri o dalla trecentesca Spettabile Reggenza.
Sia in un caso o nell’altro, “fratelli cari”,
l’altopiano al posto dei padroni ha gli “originari”;
pascoli, boschi, montagne, tutto è stato condiviso,
è l’anima alpigiana che ti accoglie con un sorriso.
Ne è stata buona custode la fanciulla Ghertelina,
col suo giardino, metafora della coscienza collettiva alpina;
nessun invasore poteva passare covando odio o rancore,
il profumo dei fiori, sospinti dal garbino, donava il sonno ristoratore.
Non mancano leggende di orchi, streghe e anguane,
Giacomina, coboldi, elfi e il mondo di sabbe assai strane;
un territorio, questo, di orridi anche di grande importanza,
lo Stonhaus o il Tanzerloch, il buco della danza.
Romolo Balasso - Ballincontrà
luglio e agosto 2018