Associazione Culturale Ballincontrà

El musso

Me ricordo che me nono lo gavea,
non solo parchè el ghe piasea,
ma par tirar vanti el careto,
col so modo senpre chieto.

Averlo no gera serto un lusso,
epure valea oro anca el musso:
el gà un bel color griso perlato,
e quelo pì famoso xè Regolato.

Te gh’in trovavi parfin a scola,
gera quei che fasea la spola:
banco, de drìo la lavagna, cantoni,
i li metea li par ignoransa o par farli star boni.